04.09.26 Сёння ў Цэнтры «Прамень» у межах праекта «Кожная пятніца – роднае, сваё!» прайшоў утульны майстар-клас па вязанні кручком «Цёплыя рукі, цёплыя рэчы»! Удзельніцы з захапленнем асвойвалі мастацтва амігурумі — вязалі мілых пушыстых мышак і куранятак, а таксама тварылі стыльныя дробязі: рэзінкі, сумачкі, кветкі і брошкі, кашалькі і шалікі. Пад уважлівым кіраўніцтвам педагога кожная пятля ператваралася ў маленькі шэдэўр, а гатовыя вырабы дзяўчаты з задавальненнем паказвалі адна адной. Такія майстар-класы вучаць не толькі рукадзеллю, але і цярпенню, увазе і радасці ад створанага — сапраўды роднае і сваё!
